„Автономен! Слободен! Не-комерцијален! Културно-социјален центар - конечно
и во Скопје!“ Така гласи воведот во
описот на овој нов простор за уметничко и општествено-ангажирано промислување и
делување. Центар кој ќе биде алтернативен простор за уметничко, креативено и
социјално делување на независната култура. Слободна зона за критичко
размислување, дебатирање и активизам, воедно и за конретни акции како Филмски
проекции, поетски читања, истражувачки проекти, јавни дебати, изложби, уметнички перформанси, работилници за деца, готвење,
размена на литература и други иницијативи за послободно, похумано и покреативно
општество.
АКСЦ ќе работи без профит. Направи сам, волонтерски, ентузијастички и без
финансии, но со срце. Центарот ќе биде отворен за сите граѓани и секој има
право да предложува идеи. Начинот на функционирање е без авторитети и
хиерархија, по хоризонтална основа и според принципите на еднаквост, директна
демократија, доверба, солидарност и заемно помагање. АКСЦ е пријател на сите
продуктивни идеи и вредности, на различни политички и идеолошки ставови, на
послабите и маргинализираните, на борбата за човекови права и борбата за
подобро и поправедно општество, АКСЦ е всушност креативен отпор кон системот и
формите на политичка и економска моќ.
Вакви пракси на самоорганизирање се нормална потреба при градењето на
независната сцена и постојат насекаде во светот, а по децениска борба, загушени од институциите,
меинстрим медиумите и доминацијата на менталитетот
на егото, конечно ја извојувавме и кај нас. Дел од екипата вклучена во центарот
на гости во Музика и Политика.
Понеделник, 22ч., Канал103
Posts
