Музика и политика ги спушти потенциометрите во 103ка, но е присатна на скопската калдрма.Ray Charles ја опишува soul музиката како “people who do things from the heart”. Баш поради тоа што ние ги правиме работите само од срце, токму таква музика и ќе пуштаме вечер во ДАМАР и тоа по втор пат на оваа локација. Ѕидовите на околната ориентална архитектура ќе бидат збогатени со проекции на видео спотови од артистите потпишани за Stones Throw лејбелот, а и голем дел од музиката ќе припадне токму на овој лејбл, како и на еклектичните фанк класици. Дојдете од почеток како не би пропуштиле секунда од ова за нашиот град несекојдневно уживање.
Летото го достигнува својот пик, а вашата омилена радио емисија го доживува своето деветнаесетто издание. Пред својот мини јубилеј, МУЗИКА И ПОЛИТИКА во серијата живи настапи ви нуди уште еден. Овој пат во емисијата го имаме Драгољуб Ќуричиќ АКА delta43 од Суботица, Србија. Официјално компјутерски програмер кој моментално е заробен на full time job како веб девелопер, а во слободното време ја истражува дигиталната уметност преку Ableton Live, Max 4 Live, pd и vvvv. Интересите се насочени кон создавање звук и видео како sound/visual артист кој настапува под името delta43. Неговата музика е комбинација на суптилна дуб електроника и dub techno звук инспириран директно од јамајканското сонце и берлинските подиуми. Компарацијата е едноставна и лесно можеме да го окарактеризираме како Basic Channel/Rhythm and Sound/Maurizio звук или она што Moritz von Oswald и Mark Ernestus го создаваат во клубскиот центар на светот, претходно споменатиот Берлин. За се ова можете да се уверите на неговиот soundcloud профил, а повеќе за него и неговата работа да истражите на: discogs, last.fm, vimeo, twitter, facebook.
Posts
